Активности

По повод 7 април- Светскиот ден на здравјето

ПО СЕДМИ ПАТ “ДОКТОРИТЕ НИЗ УМЕТНОСТА”

Како по традиција и оваа година докторите ќе го одбележат Светскиот ден на здравјето. Докторите и овој пат пред верната публика, нивните колеги, ќе се претстават со нивните вештини во областа на уметноста- музицирањето, пеењето и творештвото во музиката и литературата.

НЕ ПРИФАЌАМЕ ИМПРОВИЗАЦИИ ВО ПРИВАТИЗАЦИЈАТА

На почетокот на Третата седница на Собранието на ЛКМ претседателот на Лекарската комора д-р Алексеј Дума, поднесе образложение по Извештајот за работа на Комората, нејзините органи и тела меѓу второто и третото свикување. Д-р Дума зборуваше и за задачите што претстојат пред Комората оваа и наредната година.

КВАЛИТЕТ И РЕАЛНО ВРЕДНУВАЊЕ НА ТРУДОТ

Собранието на Лекарската комора на Македонија годинава третата редовна седница ја одржа на девети октомври во Негорски Бањи, во близина на Гевгелија. Членовите на Собранието расправаа по мошне обемен дневен ред.

ПОТПИШАН МЕМОРАНДУМ ЗА СОРАБОТКА

На состанокот на деканите на Медицинскиот и Стоматолошкиот факултет, на претседателите на Лекарската и Стоматолошката комора и Македонското лекарско друштво одржан на 29 октомври оваа година беше потпишан Меморандум за соработка

Стратегија за акредитација на докторите во Македонија

Во рамките на проектот за континуирана медицинска акредитација, поддржан од Министерството за здравство и Bis Healtcare Group од Обединетото Кралство, работната група за акредитација подготви “Стратегија за акредитација на докторите во Република Македонија”. Како што се вели во предговорот во Стратегијата, задачата на тимот за акредитација била да се подготви Стратегија за модернизација на медицинската професија во Македонија со користење на критериумите и стандардите на развиените Европски зем

Формиран Етичкиот комитет

Собранието на Лекарската комора на Македонија го прифати предлогот на Извршниот одбор и донесе одлука за формирање на Етички комитет за правата на пациентите. За претседател на Комитетот е избран д-р Здравко Чакар. Тој треба да предложи членови кои ќе го сочинуваат Комитетот.

Д-р Кочова претседател на Комисијата за етички и правни прашања

Д-р Мирјана Кочова е нов претседател на Комисијата за етички и правни прашања. Ова го одлучи Собранието на Лекарската комора на Македонија на Третото редовно годишно Собрание што се одржа во Негорски Бањи крај Гевгелија.

Регионални средби до крајот на ноември

До крајот на ноември во Скопје треба да се одржат регионални средби. На овие состаноци на кои ќе присуствуваат раководствата на општинските организации на Лекарската комора на Македонија и координаторот од Извршниот одбор ке стане збор за задачите на Комората и за проблемите со кои се соочуваат општинските одбори.

Членарината 120 денари

Врз основа на одлуката на Собранието на Лекарската комора на Македонија почнувајќи од први ноември 2002 членарината место 93 денари ќе изнесува 120 денари. Оваа одлука ја донесе Собранието врз основа на предлогот на Извршниот одбор со цел да се обезбеди независно и финансиски безбедно функционирање на Лекарската комора.

Се формираат работни групи

Предложените измени и дополнувањата на Законот за здравствена заштита за кои расправаше Комисијата за здравство не доживеаја да бидат усвоени од претходниот состав на Парламентот. И покрај тоа во Комората интензивно се работи на подготвката поефикасно да се пречекаат промените. За таа цел во Комората се подготвени повеќе акти а сега се работи на формирање на работни групи.

Тенис

На 29 и 30 Јуни во Прилеп се одржа осмиот “Medikal open" во тенис. На турнирот што се одржа на терените на Тенискиот клуб “Маркови кули” учествуваа дваесет доктори од државата. Првото место во поединечна конкуренција, по петти пат, го освои д-р Владимир Деспотовски, хирург во Воената болница во Скопје.

Ќе се формира етички комитет

Врз основа на одлуката на Извршниот одбор на Лекарската комора на Македонија на седница на Собранието во септември ќе биде формиран Етички комитет. Пред делегатите на Собранието ќе биде презентиран подготвен документ со кој ќе бидат утврдени задачите и обврските на Комитетот. Исто така ќе се предложат и членови кои ќе го сочинуваат Комитетот.