Д-р Алексеј Дума: Не успеа маргинализацијата на Комората

ПРИОРИТЕТНА ЗАДАЧА ПРИБЛИЖУВАЊЕТО ДО ЕВРОПСКИТЕ РЕШЕНИЈА

Поминавме мошне тежок период последниве три години. Се правеа максимални напори Комората да се маргинализира. За мене тоа беше нов предизвик иако кај некои колеги тоа предизвика апатија и намалување на желбата и ентузијазмот за натамошните активности во работењето на Комората

Д-Р НАДА СИМОВСКА НОСИТЕЛ НА НАГРАДАТА “СВ. НАУМ ОХРИДСКИ”

Комисијата за доделување на наградата за особени постигнувања во областа на здравството “Св. Наум Охридски”, наградата за 2002 година едногласно и ја додели на примариус д-р Нада Симовска, вработена во Здравствениот дом во Пехчево. За време на одржувањето на редовното Годишно собрание во Прилеп на 27 јуни одлуката ја соопшти д-р Тихо Матевски

КОМОРАТА ЧЛЕНКА НА ЕФМА

Според информациите од седиштето на Европскиот форум на медицински асоцијации и Светската здравствена организација се очекува Лекарската комора на Македонија од април идната година да биде рамноправен член на оваа престижна медицинска асоцијација. Оваа информација ја доби Лекарската комора на Македонија во писмото од генералниот секретар на асоцијацијата, д-р Рене Салзберг кое во Скопје пристигна кон крајот на јуни годинава.

НОВ ПРОЕКТ ВО ЛКМ?

Лекарската комора на Македонија кон средината на јули аплицираше за добивање средства од Институтот отворено општетство за проектот: “Промоција на системот за акредитација на докторите во Република Македонија”. Овој прокт е во рамките на реформите на здравствениот систем како дел на одговорностите на Лекарската комора на Македонија.

ПО ПОВОД 7 АПРИЛ-СВЕТСКИОТ ДЕН НА ЗДРАВЈЕТО

ДОКТОРИТЕ НИЗ УМЕТНОСТА ПО СЕДМИ ПАТ

Традицијата продолжува и оваа година. Манифестацијата “Докторите низ уметноста” што се организира по повод 7 април-Светскиот ден на здравјето оваа година ќе се одржи на 6 април во големата сала на Македонскиот народен театар. Почетокот е предвиден за 20 часот.

НА 5 АПРИЛ БРЗОПОТЕЗЕН ШАХОВСКИ ТУРНИР

По повод седми април-Светскиот ден на здравјето на 5 април во Скопје ќе се одржи поединечен брзопотезен шаховски турнир на вработените во здравството во Република Македонија.

МАКЕДОНИЈА ДОМАЌИН НА ISMUS 2004

На последниот Конгрес на Меѓународното здружение за ултразвук на мускулно скелетниот систем (ISMUS) професор д-р Анастасика Поповска беше избрана за претседател во наредните две години.

ОД 4 ДО 7 ЈУНИ ОВАА ГОДИНА ВО ОХРИД

XVI КОНГРЕС НА ЛЕКАРИТЕ И СТОМАТОЛОЗИТЕ НА МАКЕДОНИЈА

Македонското лекарско друштво објави дека во Охрид од 4 до 7 јуни оваа година ќе се одржи XVI конгрес на лекарите и стоматолозите на Македонија. Според програмата главни теми на Конгресот ќе бидат анемиите; ургентните состојби во медицината и стоматологијата; фактори на ризик во медицината и стоматологијата и судско медицинска експертиза во правната постапка. На крајот е оставен простор и за слободни теми.

ГОДИШНО СОБРАНИЕ НА ПРИВАТНИТЕ ДОКТОРИ

На втори април, среда, 2003 година ќе се одржи редовното Годишно собрание на Здружението на приватните лекари на Македонија. Собранието ќе се одржи во просториите на Скопскиот саем во Тркалезната сала со почеток во 12 часот.

ВО ОКТОМВРИ 2003 ГОДИНА ВО ОХРИД

ПРВ БАЛКАНСКИ КОНГРЕС ЗА ИСТОРИЈА НА МЕДИЦИНАТА

Од Македонската асоцијација за историја на медицината е испратено првото известување за Првиот балкански конгрес за историја на медицината. Организациониот одбор на Конгресот ги посочува и тематските области за кои ќе се расправа. Според роковникот, рокот за пријавување беше 15 февруари 2003 година. Известувањето за прифаќање на учеството и начинот на излагањето ќе биде на 15 март 2003.

ПРЕТСТАВНИК НА ЛКМ ВО ГЕРМАНИЈА

Од 20 до 23 мај 2003 година во Ќелн ќе се одржи редовното 106 Собрание на Лекарската комора на Германија. По правило Лекарската комора на Германија како гости поканува и претставник на Лекарската комора на Македонија.

ПОСТДИПЛОМСКИ СТУДИИ ВО ДЕБРЕЦИН

Фондацијата Сорос во соработка со Школата за јавно здравство во Дебрецин, Унгарија, организира постдипломски студии од областа на јавното здравство. За оваа цел ФИООМ распиша конкурс. Во прилог ви ја пренесуваме и апликацијата која треба да ја пополнат сите заинтересирани. Рокот за пријавување е 15 јуни.